შინაარსობრივი სტანდარტები და ინდიკატორები

მუს. IX. 2. მოსწავლეს შეუძლია სიმღერა თანაკლასელებთან ერთად.

შედეგი თვალსაჩინოა, თუ მოსწავლე:      

·           ასრულებს ორხმიან და სამხმიან  ქართულ  ხალხურ და სხვა ხალხთა სიმღერებს;

  

მუს. IX. 4.  მოსწავლეს  შეუძლია სასწავლო  პროექტში მონაწილეობა.

შედეგი თვალსაჩინოა, თუ მოსწავლე:

·           განსაზღვრავს პროექტის მიზანს;

·           გეგმავს პროექტს და ანაწილებს ფუნქციებს;

·           მოიძიებს თეორიულ მასალას, ქმნის რესურსს;

·           მონაწილეობს კონცერტის, წარმოდგენის, ტელე/რადიო გადაცემის  დადგმაში,  ჟურნალის მომზადებაში;

·           მონაწილეობს პროექტის წარდგენასა და შეფასებაში.

მუს.IX.9.  მოსწავლე აცნობიერებს მუსიკის როლს საზოგადოების ცხოვრებაში.

შედეგი თვალსაჩინოა, თუ მოსწავლე:

·           ახასიათებს სტილებს კულტურისა და ეპოქის  მიხედვით;

·           საუბრობს ხალხური მუსიკის სოციალურ დანიშნულებაზე (ყოფასთან კავშირი, კოლექტიური შემსრულებლობა, ზეპირი გადაცემის ტრადიცია, ანონიმურობა, მუდმივი ცვალებადობა);

·           აცნობიერებს პროფესიული მუსიკის ფუნქციონირებისთვის აუცილებელ კომპონენტებს: კომპოზიტორი, შემსრულებელი, მსმენელი;

·           მსჯელობს მუსიკის როლზე ხელოვნების სხვა დარგებში;

·           ადარებს მუსიკასთან დაკავშირებულ ტრადიციულ და თანამედროვე პროფესიებს – პროდიუსერი, რეჟისორი, დიჯეი, ხმის ოპერატორი;

·           ახასიათებს თანამედროვე ტექნოლოგიურ შესაძლებლობებს და მათ ზეგავლენას მუსიკალურ ხელოვნებაზე;